XXXIII DAMENGGU GI UTDINÅRIU NA TIEMPU A

FINE’NA NA TINAITAI Prv 31, 10-13. 19-20. 30-31

Un Tinaitai Ginin I Lepblun Sinan- Gan Siha

Yanggin mañodda’ i taotåo måolik na asagua, baliña ennåo ki i petlas siha.

I asaguå-ña låhi ha popo’lu i inanguk- kon-ña giya guiya, ya ni ngai’an nai u popbli.
Mientras ki låla’la’ i palåo’an, ha chocho’gui i manmåolik, åhi’ ti i ma- nailayi para i asaguå-ña.

Mañuñuli’ magågun låna yan seda para u fama’tinas chinina ni kannai-ña.

Guiya mismu fuma’titinas i hilu
yan tumutufuk i magågu. Geftåogui’paraimamopbli yanimang- gainisisidåt.

Fafa’baba i manguttitiba kurason yan malilingu i buninita; u ma’onra i palåo’an ni ma’å’ñåo ni Saina.

Nå’i gui’ ni apas i che’cho’-ña, ya u ma’onra ni todu i taotåo put i che’cho’-ña.

I Finu’ I Saina.

INEPPIN I SÅTMU PS 128, 1-2. 3. 4-5

1. MANMAGUF ATYU SIHA I MANMA’Å’ÑÅO NI SAINA. Manmaguf atyu siha i umo’osgi i Saina, i chumocho’gui i tinagu’ Yu’us.

Sa’ siempri un kånnu’ i kusetchan i fina’chu’cho’-mu; maguf håo ya un gefsaga:

INEPPI…..

Kalang meppa’ na råmas ubas
i asaguå-mu palåo’an gi halum i gimå’- mu, i famagu’on-mu kalang tinanum ulibas gi uriyan i lamasa-mu.

INEPPI…..

atan ha’, sa’ taiguini u fanmabendisi i lalåhi ni manma’å’ñao ni Saina.

Puedi i Saina un binendisi ginin ‘Sion’, kosaki un såonåo gi minaguf Hirusalen todu i ha’ånin i lina’lå’-mu.

INEPPI…..

SIGUNDU NA TINAITAI 1TH5,1-6

Un Tinaitai Ginin I Fine’na Na Kattan San Pablo Para I Taotåo ‘Thessalonica’

Hafañe’lus, ti nisisåriu na bai in tugi’i hamyu put i ora yan i manera anai para u fanmasusedi esti siha. Hamyu mismu en sen tungu’ na i Ha’ånin i Saina para u fåttu taiguihi i sakki ni måfattu an puengi. Yanggin ilik-ñiha i taotåo, “Todu silensiu yan såfu,” ennåo nai siempri manhinigif ni distrosu! Siempri måttu chaddik parehu yan i puti-ña i palåo’an ni kumekefañagu, ya tåya’ u iskåpa.

Låo hamyu, hafañe’lus, manaigui hamyu gi halum homhum, ya i Ha’åni ti debidi u fått ya en fanhinengngang kalang i sakki. Todus hamyu iyun i inina, yan iyun i ha’åni. Åhi’, ti iyun i puengi osino i hinemhum hit. Intonsis, ti debidi ta fanmamaigu’ parehu yan i pumalu siha; debidi ta fanmagå’an yan ti mambulåchu.

I FINU’ I SAINA.

IBANGHELIU MT 25, 14-30

ÅLELUIA Jn 15, 4a, 5b

1. Åleluia.
Na’FaNUNU HaMYU GIYa GuÅhu, YA GuÅhu BAi hu Na’UNU YU’ YaN HaMYU. MASEhA hÅYi Ni SuMÅSAGA GiYA GuÅhu, YA GuÅhu GiYA GuiYA, SiEMPRi MEPPA’ tiNEk- ChÅ’-ÑA.
2. Åleluia.

+ Un tinaitai ginin i såntu ibang- heliu sigun gi tinigi’ San Mateo

Ha sangåni si Jesus i mandisipulu-ña ni esti na fina’akumparasion:

“I rainun i langit kalang atyu i taotåo ni para u dingu i gimå’-ña sa’ ha hahas- su pumasehu; ha ågang i muchachu- ña siha ya ha na’faningkatgåo ni kosås-ña. Ha nå’i kadakuåt katgon- ña sigun gi kapasidat-ñiha: ha nå’i i unu singku mit pesus, i ottru dos mit pesus, yan i ottru mit pesus. Pues humånåo pumasehu. I muchåchu ni manå’i katgon-ña singku mit pesus humånåo ya ha na’facho’chu’ i salåppi’ ya mama’ganånsia singku mit pesus mås. Taiguini ha’ bidå- ña atyu i manå’i dos mit pesus ya mama’ganånsia dos mit pesus. Låo atyu na muchåchu i manå’i katgon-ña mit pesus, humånåo ya mangguad- duk hoyu gi tanu’ ya ha tåtni i salåppi’ i ma’gås-ña.

“Åpmam na tiempu maloffan, dispues måttu i ma’gas-ñiha ya mang- ginagåo siha kuenta. I muchåchu ni manå’i singku mit pesus humålum ya ha intrega kuntodu i fina’tinås-ña singku mit pesus. Ilek-ña, ‘Siñot, un nå’i yu’ singku mit pesus, atan ha’, sa’ estegui’ singku mit mås ni fina’tinås- hu.’ Ilek-ña i ma’gas, ‘Måolik bidå- mu yan fiet håo na muchåchu! Ya put i fiet håo umadahi i dididi’, bai hu na’ingkatgåo håo ni mandångkulu. Maila’ hålum ya un gosa i minagof- fu.’ I muchåchu ni manå’i dos mit pesus humålum. Ilek-ña, ‘Siñot, un nå’i yu’ dos mit pesus, atan ha’, sa’ estegui’ dos mit mås fina’tinås-hu.’ Ilek-ña i ma’gas, ‘Måolik bidå-mu yan fiet håo na muchåchu! Ya put i fiet håo umadahi i dididi’, bai hu na’ingkatgåo håo ni mandångkulu. Maila’ hålum ya un gosa i minagof- fu.’ Dispues humålum atyu na muchåchu i manå’i mit pesus ya ilek-ña, ‘Siñot, hu tungu’ na taklalu’ håo na tåotåo: mangongo’ku’ håo gi ti tinanom-mu, mangusesetcha håo gi ti sinatpem-mu simiya. Put i ma’a’ñåo- hu nu hågu, humånåo yu’ ya hu tåtni i salappe’-mu gi edda’. Pues estegui’ i iyom-mu.’ Ilek-ña i ma’gas, ‘Tailayi yan gagu’ håo na muchåchu! Na ada ti un tungu’ na mangongo’ku’ yu’ gi ti tinanom-hu, ya mangusesetcha yu’ gi ti sinatpek-ku simiya? Ennåo mina’ debi mohun di un dipusita i kepblek- ku gi bangku, ya gi finattok-ku bai hu risibi i kepblek-ku yan intires. Pues åmut gui’ ni salåppi’ ya en na’i ennåo i guaha dies mit pesus. Maseha håyi ni gai guinaha, u manå’i mås, ya siempri sosopbla; låo atyu i tåya’ guinaha-ña, kuntodu i dididi’ na guinaha-ña u ma’åmut. På’gu put ennåo i tai setbi na muchåchu–daggåo gui’ huyung gi fina’homhum; ya ennåo nai u kasao yan u na’chikchik i nifen-ña.’

I Ibangheliun i Saina.